Átta bætast við eigendahóp Deloitte
Setja bókamerki
Síðustu mánaðamót voru átta nýir liðsmenn teknir inn í eigendahóp Deloitte, sem nú samanstendur af 39 eigendum á öllum fagsviðum.
Þetta kemur fram í tilkynningu.
Nýju eigendurnir eru:
Guðbjörg Þorsteinsdóttir
Guðbjörg starfar á skatta- og lögfræðisviði Deloitte og hefur yfir 10 ára reynslu á sviði skattaréttar og félagaréttar. Guðbjörg er lögfræðingur frá Háskólanum í Reykjavík og öðlaðist lögmannsréttindi árið 2012. Innan skatta- og lögfræðisviðs sinnir Guðbjörg helst ráðgjöf og verkefnum á sviði innlends- og erlends skattaréttar, kaup-, sölu- og endurskipulagningu fyrirtækja og gerð áreiðanleikakannana. Þá hefur Guðbjörg unnið í verkefnum hjá Forensic & Dispute Services-teymi Deloitte í London og Deloitte í Genf.
Davíð Stefán Guðmundsson
Davíð Stefán hóf störf hjá Deloitte haustið 2016 þegar starfsemi Talenta rann inn í Deloitte. Á árunum 2014-2016 var Davíð framkvæmdastjóri Talenta, en sérhæfing þess fólst í alhliða ráðgjöf við þróun og rekstur á SAP-hugbúnaði. Sú þjónustulína er nú orðin hluti af þjónustuframboði Deloitte. Davíð verður einn meðeigenda innan tækniráðgjafar Deloitte Consulting-sviðsins. Davíð starfaði hjá Símanum frá árinu 2008-2014 sem sérfræðingur í viðskiptaþróun og erlendum mörkuðum og kom að mörgum rekstrarlegum skipulagsbreytingum innan Símasamstæðunnar með áherslu á rekstrarhagræðingu og einföldun á upplýsingatæknirekstri.
Páll Daði Ásgeirsson
Páll Daði hóf störf á endurskoðunarsviði Deloitte árið 2006 og hlaut löggildingu til endurskoðunarstarfa árið 2012. Páll er með M.Sc.-gráðu í reikningshaldi og endurskoðun frá Háskóla Íslands. Innan endurskoðunarsviðs sinnir Páll einkum stórum og alþjóðlegum fyrirtækjum í fjölbreyttum atvinnugreinum. Þá hefur Páll sérhæft sig í innra eftirliti fyrirtækja m.a. þeirra sem heyra undir Sarbanes-Oxley-löggjöfina fyrir skráð félög á bandarískum hlutabréfamarkaði.
Harpa Þorláksdóttir
Harpa er mannauðsstjóri Deloitte og yfirmaður þjónustudeildar. Harpa gekk til liðs við Deloitte árið 2009 sem forstöðumaður viðskipta- og markaðstengsla. Áður en hún réðst til starfa hjá Deloitte starfaði hún sem forstöðumaður samskiptasviðs hjá Atorku, sölu- og markaðsstjóri Þyrpingar og forstöðumaður markaðsdeildar hjá Eimskip. Harpa er með MBA-gráðu frá Háskólanum í Reykjavík og B.Sc.-gráðu í sjávarútvegsfræðum frá Háskólanum á Akureyri.
Jón Eyfjörð Friðriksson
Jón Eyfjörð hóf störf hjá Deloitte haustið 2016 þegar starfsemi Staka-automation rann inn í Deloitte. Jón starfaði hjá sem framkvæmdastjóri hjá Staka frá stofnun félagsins árið 2008. Kjarnastarfsemi Staka fólst í sérhæfðri hugbúnaðargerð, samtengingu og vinnslu gagna auk hönnunar- og viðhalds framleiðslu- og iðnstýringarkerfa. Sú þjónustulína er nú orðin hluti af þjónustuframboði Deloitte. Jón verður einn meðeigenda innan tækniráðgjafar Deloitte Consulting-sviðsins. Áður en Jón hóf störf hjá Staka hafði hann m.a. starfað hjá SKÝRR (nú Advania), Símanum og Anza.
Árni Þór Vilhelmsson
Árni Þór starfar á endurskoðunarsviði Deloitte en hann hóf störf hjá félaginu árið 2005. Árni hlaut löggildingu til endurskoðunarstarfa árið 2012, en Árni er með M.Sc.-gráðu í reikningshaldi og endurskoðun og B.Sc.-gráðu í viðskiptafræði frá Háskólanum í Reykjavík. Innan endurskoðunarsviðs sinnir Árni einkum verkefnum á sviði endurskoðunar, reikningshalds og skattaráðgjafar fyrir fjölmarga viðskiptavini Deloitte í öllum helstu atvinnugreinum.
Runólfur Þór Sanders
Runólfur starfar hjá Fjármálaráðgjöf Deloitte þar sem hann sérhæfir sig í kaupum og sölu fyrirtækja, sem og fjármögnun og endurskipulagningu fyrirtækja. Fjármálaráðgjöf Deloitte hefur aukið umsvif sín verulega á undanförnum misserum og er Runólfur þriðji meðeigandi sviðsins. Runólfur er með M.Sc.- gráðu í fjármálum fyrirtækja og B.Sc.-gráðu í viðskiptafræði frá Háskólanum í Reykjavík. Runólfur hefur starfað hjá Fjármálaráðgjöf Deloitte frá árinu 2010.
Pétur Hansson
Pétur hóf störf á endurskoðunarsviði Deloitte árið 2006 og hlaut löggildingu til endurskoðunarstarfa árið 2011. Pétur er með M.Acc-gráðu í reikningshaldi og endurskoðun frá Háskóla Íslands. Pétur hefur viðamikla reynslu í endurskoðun og reikningsskilum fyrir stór sem lítil fyrirtæki. Þá vann Pétur á árunum 2011 til 2013 hjá Deloitte í Kaupmannahöfn við endurskoðun danskra og alþjóðlegra fyrirtækja. Pétur hefur einnig kennt endurskoðun við Háskóla Reykjavíkur síðan 2014.
Sárt að horfa upp á illa meðferð fjármuna
Aðkoman í gripahúsið mjög slæm
Spursmál: Fyrsta stóra viðtal Katrínar
Gerir ráð fyrir 150 samningum í næstu viku
Hæstiréttur staðfestir vanhæfi alls Landsréttar
Segjast hafa skotið niður langdræga sprengjuvél