Búast má við því að einkaneysla landsmanna aukist umtalsvert næstu vikurnar í tengslum við HM í Rússlandi.
Sú varð raunin fyrir tveimur árum þegar Ísland var meðal þátttökuþjóða á EM í Frakklandi og ekkert bendir til annars en að hið sama verði upp á teningnum nú. Gengi Íslands og veðrið ræður því svo væntanlega hversu mikil aukningin verður.
Björn Berg Gunnarsson, fræðslustjóri Íslandsbanka, segir að viðburðir á borð við Eurovision og stórmót í fótbolta hvetji gjarnan til aukinnar neyslu. HM komi á góðum tíma fyrir marga. „Þetta mót kemur ofan í þann tíma sem einkaneysla hefur aukist töluvert. Hún er helsti drifkraftur hagvaxtar á Íslandi. Við höfum meira á milli handanna nú en áður og líklegt er að margir nýti þetta svigrúm í kringum HM,“ segir hann.
Sjá umfjöllun um þetta mál í heild í Morgunblaðinu í dag.