Ráðning Guðmundar vekur athygli SE
Setja bókamerki
„Samkeppnislögin gera kröfur um sjálfstæði milli keppinauta. Þessar breytingar á undanförnum dögum og vikum hafa vakið athygli okkar,“ segir Páll Gunnar Pálsson, forstjóri Samkeppniseftirlitsins, um stöðuna sem komin er upp innan sjávarútvegsins eftir að Guðmundur Kristjánsson var ráðinn forstjóri HB Granda á sama tíma og hann er aðaleigandi og stjórnandi annars fyrirtækis í samkeppnisrekstri við HB Granda, Brims.
„Á þessu stigi get ég ekki tjáð mig um það hvort Samkeppniseftirlitið muni hafa afskipti af þessu eða hvort það sé ástæða til nánari athugunar af hálfu Samkeppniseftirlitsins,“ segir Páll Gunnar.
Greint var frá því í apríl að Guðmundur hefði keypt 34,1% eignarhlut í HB Granda af Kristjáni Loftssyni og Halldóri Teitssyni og stofnaðist þá til yfirtökuskyldu og Guðmundur gerði öðrum hluthöfum tilboð. 222 hluthafar tóku tilboðinu sem áttu samtals 54.880.508 hluti í HB Granda og nemur eignarhlutur Brims hf. og tengdra aðila því 37,96% í HB Granda.
Alls er aflahlutdeild Brims 3,50 prósent en þar að auki á Brim Ögurvík hvers aflahlutdeild er 1,53 prósent af aflaheimildum í landinu. Þá á Brim 32,88 prósenta hlut í Vinnslustöðinni í Vestmannaeyjum sem hefur yfir 4,44 prósent af heildarkvótanum að ráða.
Ofsóttur innan veggja Boeing
Hafa samþykkt kaup fyrir um 9,2 milljarða
Stóraukið fé til samgöngusáttmála
Hægagangur og vaxandi ókyrrð
Þrjú og hálft ár fyrir skotárás í Úlfarsárdal
Kvikan virðist nú skiptast til helminga
Fjárfestingin 115 milljarðar króna
„Þögnin er ærandi“