Styrkja stöðuna á höfuðborgarsvæðinu
Setja bókamerki
Kaup Samkaupa á fjórtán verslunum Basko eru hugsuð til að styrkja stöðu Samkaupa á höfuðborgarsvæðinu og til að færa verslunarkeðjuna nær íbúum höfuðborgarsvæðisins. Þetta segir í tilkynningu frá Ómari Valdimarssyni, forstjóra Samkaupa.
Ekki hefur fengist gefið upp hvaða fjórtán verslanir Basko um ræðir en Basko rekur samtals 42 sölustaði undir merkjum 10-11, Iceland, Inspired By Iceland, Háskólabúðina, Kvosina, Bad Boys og Dunkin Donuts.
„Kaupsamningurinn er trúnaðarmál að svo stöddu og háður ákveðnum fyrirvörum, meðal annars samþykki Samkeppniseftirlitsins. Vegna þessa getum við ekki tjáð okkur frekar um kaupin fyrr en niðurstaða Samkeppniseftirlitsins liggur fyrir,“ segir Ómar í tilkynningu.
Samkaup rekur um fimmtíu verslanir á 33 stöðum víðs vegar um land og eru helstu vörumerki Samkaupa Nettó, Kjörbúðin og Krambúðin. Þar starfa yfir þúsund manns.
Sigurður Karlsson, framkvæmdastjóri Basko, vildi ekki upplýsa um hvaða fjórtán búðir félagið sé að selja Samkaupum þegar mbl.is tók hann tali fyrr í dag og vísaði á Samkaup.
Veiting hvalveiðileyfis ekki brot á EES-samningi
Verðbólgan komin niður í 6%
Handtekin eftir að tvö börn fundust látin
Skiptir miklu meira máli en fólk grunar
„Á réttri leið en nokkuð í land ennþá“
Vona að Orkustofnun veiti ekki virkjunarleyfi
Æskuvinur Íslendings myrtur í Noregi