WOW air hættir að fljúga til Tel Aviv
WOW air mun hætta að fljúga til Tel Aviv í haust. Þráðurinn verður mögulega tekinn upp að nýju næsta vor.
Setja bókamerki
WOW air mun hætta flugi til Tel Aviv í Ísrael í október. Félagið hefur flogið til borgarinnar fjórum sinnum í viku frá því í september í fyrra.
Frá þessu er greint á vef ísraelska dagblaðsins Haaretz þar sem haft er eftir forsvarsmönnum WOW að ákvörðunin sé tekin af rekstrar- og viðskiptaástæðum. Aðrir áfangastaðir, svo sem nýjar flugleiðir til Norður-Ameríku og Indlands, séu vinsælli kostur yfir vetrartímann.
Svanhvít Friðriksdóttir, upplýsingafulltrúi WOW air, segir í samtali við mbl.is að Tel Aviv sé árstíðarbundinn áfangastaður. Hins vegar eigi eftir að taka ákvörðun um hvort flug til borgarinnar verði hafið á ný næsta vor. „Við erum að íhuga að athuga að hefja aftur flug í lok mars eða apríl,“ segir Svanhvít.
Nauðgaði kærustu sinni og tók það upp
Aðkoman í gripahúsið mjög slæm
Ný staða uppi og óvissan meiri
Hyggjast leyfa fólki að skoða gosið
Sárt að horfa upp á illa meðferð fjármuna
Spursmál: Fyrsta stóra viðtal Katrínar
Unnu að fullum heillindum að kaupum á TM