Viðskipti | mbl | 25.7.2018 | 8:59

Ghostlamp í kaffisölu

Valgerir Magnússon og Eugenio Ribeiro Neto sem á Eugenio Café. Í fréttatilkynningu segir að Neto hafi eytt nokkrum árum í að rannsaka skilyrði til ræktunar kaffibauna, svo sem loftslag, lofthæð og jarðveg til að fá sem best kaffi.

Íslenska nýsköpunarfyrirtækið Ghostlamp hefur tekið að sér að selja kaffi í Brasilíu. „Fyrirtækið er markaðstorg á vefnum sem auðveldar fyrirtækjum og auglýsingastofum aðgengi að áhrifavöldum á samfélagsmiðlum um allan heim. Ghostlamp opnaði nýlega skrifstofu í borginni Natal í Brasilíu og hefur nú gert samning við fyrirtækið Eugenio Café um að selja kaffi í Brasilíu,“ segir í fréttatilkynningu.

Valgeir Magnússon, stjórnarformaður Ghostlamp,segir í fréttatilkynningu að kaffið sé væntanlegt á Evrópumarkað á næstu mánuðum og stefnt á Bandaríkin á næsta ári. „Ghostlamp byrjar á að vinna með þeim Brasilíumarkað og svo færumst við vonandi með þeim um heiminn," segir Valgeir enn fremur.