Indverska flugfélagið Air India segir að orsök plágu veggjalúsa um borð í einni vél þess megi rekja til veðurs. Vélin flaug frá New York til Mumbaí í síðustu viku og margir farþegar voru bitnir af veggjalúsum.
Flugfélagið segist hafa hafið rannsókn á málinu og lofar að sótthreinsa vélina hátt og lágt. Air India er stærsta flugfélag Indlands og er um þessar mundir í miklu skuldafeni. Félagið hefur ekki skilað hagnaði frá árinu 2007.
Áður en málið með veggjalýsnar kom upp hafði flugfélagið verið gagnrýnt fyrir lélega þjónustu og fyrir ítrekaðar seinkanir, segir í frétt BBC.
What an #airindia #businessclass would do to you? AI still has to get in touch with me inspite if my repeated attempts to get in touch with them. @airindiain @NewYorkTimes11 @cnni pic.twitter.com/tDHfmhX0Vx
— Saumya Shetty (@saumshetty) July 20, 2018