Björgólfur og Heiðrún bæta við sig í Icelandair
Setja bókamerki
Björgólfur Jóhannsson, forstjóri Icelandair Group, og Heiðrún Jónsdóttir, stjórnarmaður, keyptu samanlagt 709 þúsund hluti í félaginu í dag að andvirði rúmlega 5,4 milljóna króna. Þetta kemur fram í tilkynningu Icelandair Group til kauphallarinnar í dag.
Björgólfur keypti 400 þúsund hluti fyrir rúmlega 3 milljónir króna, á 7,68 krónur hlutinn. Á hann því nú samtals 2,3 milljónir hluta í félaginu að andvirði um 17,7 milljóna króna.
Heiðrún keypti um 309 þúsund hluti á genginu 7,76 á hlut, fyrir um 2,4 milljónir króna.
Hlutabréf í Icelandair Group féllu í gær um tæp 10% eftir uppgjör félagsins fyrir annan ársfjórðung var birt. Var þar greint frá 2,7 milljarða króna tapi félagsins á öðrum ársfjórðungi auk þess sem EBITDA, hagnaður fyrir fjármagnsliði, skatta og afskriftir, yfir fjórðunginn dróst saman um 64% frá fyrra ári.
Ekki byggt í takt við áform sveitarfélaga
29 nautgripir fundust dauðir
Ísraelar hefna árásarinnar
Hyggjast leyfa fólki að skoða gosið
Innviðir þandir og álagið „gríðarlegt“
Ofsóttur innan veggja Boeing
Kveðst tala af virðingu: „Ég er enginn dóni“