Hækka í verði eftir fréttir frá WOW
Setja bókamerki
Hlutabréf í Icelandair hafa hækkað um 4,45 prósent í 164 milljóna króna viðskiptum í dag og er verðið nú í 8,91 krónu á hlut. Sigurður Örn Karlsson, greinandi hjá IFS, segir ekki ólíklegt að markaðurinn sé að bregðast við fréttum um skuldabréfaútgáfu og fjárhagsstöðu helsta samkeppnisaðila Icelandair, WOW air.
„Mögulega eru menn að horfa í að flugverð gæti hækkað meira en menn höfðu áður reiknað með,“ segir Sigurður Örn í samtali við mbl.is og vísar til þess að WOW air gæti þurft að hækka meðalverð flugfargjalda hjá sér til þess að bregðast við tæplega fimm milljarða króna taprekstri félagsins undanfarna tólf mánuði.
„Olíukostnaður er og hefur verið að hækka og launakostnaður hefur sömuleiðis hækkað. Þeir gætu þurft að hækka meðalverðin hjá sér til að draga úr áhrifunum,“ segir Sigurður Örn um WOW.
„Þetta er pínu óvanaleg staða“
Baldur: „Ég ætla að svara þessu kalli“
Íslendingar ein einmanalegasta þjóð í heimi
Átta morðmál á aðeins tólf mánuðum
Búið að bólusetja börn alla helgina
Mest spennandi kosningar í áratugi