Origo bætir við starfsfólki í hugbúnaðarlausnum

Upplýsingafyrirtækið Origo hefur fjölgað starfsfólki í hugbúnaðargerð og stafrænum lausnum.

„Mikil eftirspurn er eftir ráðgjöf og þróun á stafrænni þjónustu, einkum í heilbrigðislausnum. Einnig eru aðrar lausnir, eins og Caren-bílaleigulausn, CCQ-gæðastjórnunarlausn og öryggislausnir vaxandi þáttur í starfsemi okkar. Við bjóðum nýtt starfsfólk velkomið og hlökkum til að takast á við ný og spennandi verkefni með því,“ segir Hákon Sigurhansson, framkvæmdastjóri hugbúnaðarlausna Origo, í tilkynningu.

Anna María Þorsteinsdóttir og Unnur Sól Ingimarsdóttir hafa verið ráðnar sem hugbúnaðarsérfræðingar í stafrænum þjónustulausnum.

Anna María er með BS-gráðu í viðskiptafræði og tölvunarfræði frá Háskólanum í Reykjavík. Hún hefur starfað sem hugbúnaðarsérfræðingur hjá Landsbankanum undanfarin ár.

Unnur Sól Ingimarsdóttir er með BSc-gráðu í tölvunarfræði frá Háskólanum í Reykjavík. Hún hefur starfað sem forritari hjá Arion banka og Reontech.

Anna Laufey Stefánsdóttir, Benedikt Blöndal og Róbert Marvin Gíslason hafa verið ráðin sem hugbúnaðarsérfræðingar í heilbrigðislausnum.

Anna Laufey er með BS-gráðu í tölvunarfræði frá Háskólanum í Reykjavík. Benedikt Blöndal hefur lokið BS-gráðu í bæði í tölvunarfræði og stærðfræði frá Háskóla Íslands.

Róbert Marvin er með BS-gráðu í tölvunarfræði frá Háskólanum í Gautaborg. Hann kemur frá Novamatic Lottery þar sem hann starfaði áður sem hugbúnaðarsérfræðingur. Áður starfaði Róbert hjá Sabre Airline og Jappesen AB við forritun.

• Blogga um frétt