Gengi argentínska pesóans hefur hríðlækkað þrátt fyrir aðgerðir Seðlabanka Argentínu fyrr í dag að hækka stýrivexti sína upp í 60%. Áður voru stýrivextirnir 45%.
Gengi pesóans féll um nærri 7% gagnvart Bandaríkjadal í gær og við lokun markaða í Argentínu í kvöld féll hann um nærri 7% til viðbótar.
Gengið hefur lækkað um 13,5% frá því í gær þegar Alþjóðagjaldeyrissjóðurinn (AGS) samþykkti að flýta greiðslum á 50 milljarða Bandaríkjadala láni til ríkisins og lýsti þannig yfir stuðningi við þær aðgerðir sem ríkið hyggst grípa til í erfiðum efnahagsaðstæðum.