Kjöt og fiskur skellir í lás

Rekstri verslunarinnar Kjöts og fisks á Bergstaðastræti 14 verður hætt klukkan 19.00 í kvöld. Greint er frá því á Facebook-síðu verslunarinnar. Körfuknattleikskapparnir Pavel Ermolinskij og Jón Arnór Stefánsson opnuðu verslunina á haustmánuðum árið 2014.

Í Facebook-færslunni kemur fram að þeir félagar hafi notið þessi að vera hluti af hverfinu. Upp úr standi allt frábæra fólkið sem þeir hafi kynnst; starfsfólk og viðskiptavinir. 

„Við viljum þakka öllum þeim sem að lögðu leið sína til okkar í gegnum árin og gerðu vinnuna okkar svona skemmtilega og gefandi. Takk kærlega fyrir okkur,“ segir enn fremur.

Pavel segir í samtali við Fréttablaðið að reksturinn hafi reynst erfiður. Hann segir að þetta séu ekki endalokin en Pavel kveðst ætla að einbeita sér að því að framleiða vörur.

• Blogga um frétt