Óskabein selur fyrir 430 milljónir í VÍS

VÍS.
VÍS. mbl.is/Styrmir Kári

Fjárfestingafélagið Óskabein seldi í dag hluti að andvirði 430 milljóna króna í VÍS í dag.

Í tilkynningu til Kauphallar kom fram að 40 milljónir hluta hefðu verið seldir á genginu 10,75 en einn hluthafa Óskabeins er Gestur Breiðfjörð Gestsson en hann er einnig stjórnarmaður í VÍS.

Um er að ræða hlutalokun á framvirkum samningi frá því í júní á síðasta ári um upphaflega 90 milljónir hluta sem áður hefur verið tilkynnt um. Samningurinn er á gjalddaga hinn 12. desember á þessu ár en staða framvirka samningsins eftir viðskiptin er um 39.784.996 hlutir.

Á meðal eigenda Óskabeins eru þeir Sigurður Gísli Björnsson hjá Sæmarki sjávarafurðum, Gestur Breiðfjörð Gestsson, eigandi Sparnaðar og Andri Gunnarsson, lögmaður og fjárfestir.

mbl.is

Gagnaveitur

Erlendar viðskiptafréttir