Verðbólgan mælist 2,8%

Vísitala neysluverðs miðuð við verðlag í október 2018 er 459,4 stig og hækkar um 0,57% frá fyrra mánuði. Vísitala neysluverðs án húsnæðis er 392,8 stig og hækkar um 0,59% frá september 2018. Mælist 12 mánaða verðbólga nú 2,8%, samanborið við 2,7% í september.

Þetta kemur fram á vef Hagstofunnar.

Verð á nýjum bílum hækkaði um 2,6% (áhrif á vísitöluna 0,21%). Kostnaður vegna búsetu í eigin húsnæði (reiknuð húsaleiga) hækkaði um 0,6% (0,12%). Matur og drykkjarvörur hækkuðu um 0,9% (0,10%). Veggjöld lækkuðu þar sem gjaldtöku hefur verið hætt (-0,13%) að sögn Hagstofunnar.

Síðastliðna tólf mánuði hefur vísitala neysluverðs hækkað um 2,8% en vísitalan án húsnæðis hefur hækkað um 1,7%.

Vísitala neysluverðs samkvæmt útreikningi í október 2018, sem er 459,4 stig, gildir til verðtryggingar í desember 2018. Vísitala fyrir eldri fjárskuldbindingar, sem breytast eftir lánskjaravísitölu, er 9.071 stig fyrir desember 2018, að því er Hagstofan greinir frá.

• Blogga um frétt