Þann 6. nóvember í fyrra tók stjórn Íslandspósts endanlega ákvörðun um að ráðast í umfangsmiklar framkvæmdir við húsnæði fyrirtækisins að Stórhöfða 21. Þar er um að ræða stækkun á húsnæði fyrirtækisins og nemur viðbótin 1.100 fermetrum eða tæplega 2.000 fermetrum með milligólfi.

Samkvæmt niðurstöðu útboðs sem Ríkiskaup héldu utan um nemur heildarbyggingarkostnaður við framkvæmdina tæpum 700 milljónum króna. Samkvæmt upplýsingum frá Íslandspósti er kostnaður við innréttingar í húsnæðinu inni í þeirri upphæð en ekki kaupverð mögulegs tækjabúnaðar, en ákvörðun um fjárfestingu í búnaði hefur ekki enn verið tekin. Þá segir í svari fyrirtækisins til ViðskiptaMoggans að gert sé ráð fyrir að áætlanir við framkvæmdina muni standast.

Athygli vekur að fyrirtækið hafi ráðist í jafnumfangsmikla framkvæmd og þessa í lok síðasta árs í ljósi þess að í september síðastliðnum varð ríkissjóður að leggja Íslandspósti til 500 milljónir króna í formi 12 mánaða láns í þeirri viðleitni að styrkja lausafjárstöðu fyrirtækisins. Var lánveitingin veitt með fyrirvara um heimild í fjárlögum.

Frétt af mbl.is

Lánar Íslandspósti 500 milljónir

Sjá fréttina í heild sinni í ViðskiptaMogganum í dag.

Tengdar fréttir

Íslandspóstur

Ellefu Palestínumenn koma í dag

• Ríkið veitt Íslandspósti milljarða
• Íslandspóstur vill fara að dreifa bréfum í póstbox
• Breytir póstmarkaði mikið
• Kostnaður ríkisins er enn óljós

» Fleiri tengdar fréttir