Robyn Denholm hefur tekið sæti stjórnarformanns hjá Tesla í stað stofnanda bílaframleiðandans, Elon Musk, sem sagði af sér nýverið.
Denholm er fjármálastjóri ástralska fjarskiptafyrirtækisins Telstra og mun gegna því starfi áfram næstu sex mánuði áður en hún kemur í fullt starf hjá Tesla.
Musk sagði af sér stjórnarformennsku í október þegar hann gerði samkomulag við fjármálaeftirlit Bandaríkjanna vegna færslu á Twitter þar sem hann sagðist ætla að taka Tesla af markaði og að hann hefði tryggt sér fjármögnun þess.