Húsleitir hjá Deutsche Bank

Húsleit fór fram í höfuðstöðvum þýska bankans Deutsche Bank í Frankfurt í Þýskalandi í dag í tengslum við rannsókn á peningaþvætti. Saksóknarar segja að tveir starfsmenn bankans séu grunaðir um að hafa aðstoðað viðskiptavini við peningaþvætti vegna illa fengins fjár.

Fram kemur í frétt breska ríkisútvarpsins BBC  að lögreglubifreiðum hafi verið lagt fyrir utan höfuðstöðvar Deutsche Bank sem er stærsti banki Þýskalands. Einnig hafi verið gert húsleit í fleiri skrifstofum bankans með þátttöku 170 lögregluþjóna og embættismanna.

Rannsóknin hófst í kjölfar birtingar Panama-skjalanna 2016. Hlutabréf í Deutsche Bank féllu um 3% eftir að fréttir bárust af húsleitinni. Bankinn hefur staðfest að húsleitin hafi átt sér stað á skrifstofum hans síða um Þýskaland og að hann væri fús til samstarfs við lögregluna.

• Blogga um frétt