Japanska fyrirtækið Hitachi er að kaupa meirihluta hlutafjár í raforkuhluta sænsk-svissneska orkufyrirtækisins ABB á 6,4 milljarða Bandaríkjadala, sem svarar til 800 milljarða íslenskra króna.
Með viðskiptunum verður Hitachi stærsta raforkufyrirtæki heims. Gert er ráð fyrir að raforkuhluti ABB verði skilinn frá öðrum rekstri ABB-samstæðunnar og að Hitachi muni eignast 80,1% hlutafjár í honum snemma árs 2020. Talsmaður Hitachi segir að stefnt sé að kaupum á öllu hlutafé í framhaldinu þannig að það verði að fullu í eigu Hitachi.
Raforkusvið ABB er bæði í framleiðslu búnaðar fyrir raforkuframleiðslu og rekur slík kerfi í mörgum löndum.