Að sögn heimildarmanna Morgunblaðsins eru skilmálabreytingar á skuldabréfaútgáfu flugfélagsins WOW air töluvert betri en margir héldu fram að þær yrðu.

Veigamestu atriðin eru þau að ekki verður farið fram á neina lækkun á höfuðstól bréfanna auk þess sem vaxtakjör skuldabréfaflokksins haldast óbreytt, eða um 9%, sem teljast verulega góðir vextir í evrum.

Þá séu skuldabréfaeigendur komnir með fjárhagslega sterkari mótaðila í viðskiptunum, sem gerir stöðuna álitlegri. Á móti þurfa skuldabréfaeigendur WOW air að aflétta þeim veðum sem þeir áttu í flugfélaginu. Auk þess er sú hagnaðarvon sem tengdist áformum um að setja fyrirtækið á markað ekki lengur fyrir hendi, að því er fram kemur í umfjöllun um mál WOW í Morgunblaðinu í dag.

Tengdar fréttir

Sviptivindar í flugrekstri

Ernir hyggst skila inn flugrekstrarleyfi

• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu
• Hvað tekur við eftir „afsláttarárin“?

» Fleiri tengdar fréttir