Verslanir Toys'R'Us opnar út janúar

Verslanir Toys 'R'Us á Íslandi verða opnar út janúar í ...
Verslanir Toys 'R'Us á Íslandi verða opnar út janúar í það minnsta. AFP

Verslanir Toys'R'Us á Íslandi verða opnar út janúar í það minnsta segir Sigurður Þorgeir Jónasson, verslunarstjóri Toys'R'Us á Smáratorgi. Hann er ekki viss um hvað gerist í næsta mánuði.

Top-Toy, danskt móður­fé­lag leik­fanga­keðjunn­ar Toys ‘R’ Us á Íslandi sem og ann­ars staðar á Norður­lönd­un­um, var úr­sk­urðað gjaldþrota milli jóla og ný­árs. 

Sigurður bíður frekari upplýsinga að utan en segir að íslensku verslanirnar haldi áfram sínu striki nema skilaboð berist frá Danmörku um annað.

„Það er verið að vinna í málinu bara [í Danmörku]. Búðirnar á Íslandi eru ekki farnar á hausinn þannig að þær halda bara áfram,“ segir Sigurður Þorgeir í samtali við mbl.is.

Viðskiptavinir Toys ‘R’ Us á Íslandi hafa verið hvattir til að nýta gjafakortin sín á meðan það er hægt.

mbl.is

Myntbreyta

  ISK
  USD
  EUR
  GBP
  CAD
  DKK
  NOK
  SEK
  CHF
  JPY

Erlendar viðskiptafréttir