WOW air samdi um eldsneyti við BP

Flugvél WOW air.
Flugvél WOW air. mbl.is/Eggert

Samningur WOW air við N1 um kaup á þotueldsneyti rann út um áramótin og í kjölfarið samdi flugfélagið við breska olíufyrirtækið BP.

Breska fyrirtækið sér Icelandair einnig fyrir orkugjafa. 

Eggert Þór Kristófersson, forstjóri N1, segir í samtali við Túrista að fyrirtækið hafi tapað útboðum Icelandair og WOW air vegna kaupa á þotueldsneyti. Undanfarið ár hefur N1 séð WOW air fyrir olíu til jafns við BP.

Um umtalsverðar fjárhæðir er að ræða í olíuviðskiptum flugfélaganna og gerir Túristi ráð fyrir því að olíureikningur WOW air á degi hverjum hljóði upp á 20 til 25 milljónir króna.

Eggert Þór Kristófersson.
Eggert Þór Kristófersson. mbl.is/Kristinn Magnússon
mbl.is

Myntbreyta

  ISK
  USD
  EUR
  GBP
  CAD
  DKK
  NOK
  SEK
  CHF
  JPY

Erlendar viðskiptafréttir