Dregur úr verðbólgu

Verðbólgan í janúar mælist 3,4% en í desember var hún 3,7%. Þrátt fyrir að heldur dragi úr verðbólgu er hún enn yfir verðbólgumarkmiði Seðlabanka Íslands sem er 2,5%.

Vísitala neysluverðs lækkar um 0,41% frá fyrra mánuði. Vísitala neysluverðs án húsnæðis lækkar um 0,73% frá desember 2018.

Vetrarútsölur eru víða í gangi og lækkaði verð á fötum og skóm um 11,1% (áhrif á vísitöluna -0,40%). Verð á nýjum bílum lækkaði um 1,8% (-0,15%). Veggjöld hækkuðu vegna nýrrar gjaldtöku í veggöngum (0,02%).

Síðastliðna tólf mánuði hefur vísitala neysluverðs hækkað um 3,4% en vísitalan án húsnæðis hefur hækkað um 2,6%.

• 1 blogg um fréttina

Bloggað um fréttina

• G. Tómas Gunnarsson: Verðbólgan er of há, en hvað veldur henni?