Sekta Base Capital um 250.000 kr.

Neytendastofa hefur lagt 250.000 kr. stjórnvaldssekt á Base Capital ehf. vegna Base Parking, fyrir að brjóta gegn fyrri ákvörðun stofnunarinnar, en þá bannaði stofnunin Base Parking m.a. að birta fullyrðingar um ódýrustu bílastæðin. 

Greint er frá þessu á vef Neytendastofu. 

Þar segir, að í kjölfar ákvörðunarinnar hafi stofnuninni borist kvörtun frá Isavia ohf. um villandi viðskiptahætti Base Parking og að brotið væri gegn ákvörðuninni með auglýsingum Base Parking um ódýrasta daggjaldið og 58% ódýrara daggjald.

Frétt af mbl.is

Bönnuð birting fullyrðinga um ódýrustu bílastæðin

Taldi Neytendastofa þörf á að leggja stjórnvaldssekt á Base Capital ehf. þar sem sýnt var fram á að félagið braut gegn fyrri ákvörðun stofnunarinnar.

Þá komst stofnunin einnig að þeirri niðurstöðu að fullyrðing fyrirtækisins um fría „valet“-þjónustu í verðskrá á vefsíðunni baseparking.is, væri villandi og bryti gegn lögum um viðskiptahætti og markaðssetningu og reglugerð um viðskiptahætti sem teljast undir öllum kringumstæðum óréttmætir.

• Blogga um frétt