Hagvöxtur aðeins 1,8% á þessu ári

Hagvöxtur verður aðeins 1,8% á þessu ári gangi nýjasta spá Seðlabanka Íslands eftir sem er talsverð breyting frá spá bankans í nóvember þegar hann gerði ráð fyrir 2,7%. Hagvöxtur á síðasta ári var 2,4% á fjórða ársfjórðungi og 4,3% á árinu öllu.

Frétt af mbl.is

Of miklar launahækkanir yrðu áfall

Varðandi lægri hagvaxtarspá segir í nýjum Peningamálum Seðlabankans: „Þar vega snörp umskipti í ferðaþjónustu þyngst en vöxtur þjóðarútgjalda hefur einnig verið endurskoðaður lítillega niður á við. Gangi þetta eftir yrði þetta minnsti hagvöxtur frá árinu 2012.“ Frá þeim tíma hafi hagvöxtur verið að meðaltali nærri 4,5% á ári. Spáð sé 2,75% hagvexti á ári á næstu tveimur árum sem sé svipað og gert hafi verið ráð fyrir í nóvember.

Bent er á að samkvæmt bráðabirgðatölum Hagstofu Íslands hafi 2,6% hagvöxtur verið á þriðja fjórðungi síðasta árs en á fyrri hluta ársins hafi hann hins vegar verið 6,3%. Hagvöxtur hafi því verið 5% á fyrstu þremur fjórðungum ársins þar sem þjóðarútgjöld hafi aukist um 4,3% og framlag utanríkisviðskipta numið 0,9 prósentum.

Frétt af mbl.is

Verðbólga hjaðni eftir mitt næsta ár

„Neysla og fjárfesting í heild þróuðust í takt við spána en þar vógust á kröftugri vöxtur neysluútgjalda á móti veikari íbúðafjárfestingu. Framlag utanríkisviðskipta var einnig í samræmi við spána en aukning birgða reyndist meiri en var áætlað.“

• Blogga um frétt