Ragnar Jónasson, yfirlögfræðingur GAMMA og rithöfundur, hefur verið ráðinn til Arion banka. Frá þessu greinir Markaður Fréttablaðsins í morgun en samkvæmt heimildum Markaðarins mun hann taka til starfa á fjárfestingarbankasviði bankans.
Ragnar hefur fengist við ritstörf og þýðingar samhliða störfum sínum í fjármálageiranum en hann er einnig stundakennari við lagadeild Háskólans í Reykjavík.