Kaupir fyrir 12,5 milljónir í Eimskip

Vilhelm Már Þorsteinsson, forstjóri Eimskipafélags Íslands, keypti í dag hlutabréf í félaginu fyrir samtals 12,5 milljónir króna, en um er að ræða 66.050 hluti á genginu 189,25 krónur. Hann átti engin bréf fyrir í félaginu. Þetta kemur fram í tilkynningu til Kauphallarinnar.

Frétt af mbl.is

Vilhelm Már nýr forstjóri Eimskips

Vilhelm tók við starfi forstjóra félagsins 24. janúar, en hann hafði áður verið framkvæmdastjóri fyrirtækja- og fjárfestasviðs Íslandsbanka.

Stærsti eigandi Eimskips er Samherji, en með ráðningu Vilhelms tengdust fjölskyldur Samherja-frændanna á ný, eins og mbl.is fjallaði um þegar tilkynnt var um ráðninguna. Vilhelm og Baldvin Þorsteinsson, stjórnarformaður Eimskips, eru frændur, en feður þeirra stofnuðu Samherja ásamt Kristjáni Vilhelmssyni.

Frétt af mbl.is

Fjölskyldur frændanna tengjast á ný

• Blogga um frétt