Reykjavíkurborg hefur auglýst til sölu byggingarrétt á nokkrum lóðum og er frestur til að skila inn tilboðum til 10. apríl. Um er að ræða lóðir við Hraunbæ, Bergþórugötu og við Bústaðaveg.
- Við Hraunbæ eru boðnar út tvær fjölbýlishúsalóðir með heimild fyrir 116 íbúðum samtals. Heildarbyggingarmagn er nær 17 þús. fermetrar með bílakjallara sem er valkvæður.
- Við Bergþórugötu er leitað kauptilboða í byggingarrétt 216 fermetra íbúðarhúsnæðis fyrir allt að þrjár íbúðir. Sérstök athygli er vakin á því í útboðsskilmálum að við lóðarmörk norðanmegin stendur gamall og virðulegur hlynur með mikið varðveislugildi. Tréð á að standa og mega framkvæmdir ekki skaða tréð.
- Við Bústaðaveg á svæði meðfram Reykjanesbraut eru boðnar tvær lóðir fyrir atvinnustarfsemi. Á annarri lóðinni er heimilt að byggja 3.800 fermetra og á hinni lóðinni 3.700, auk bílakjallara.
Að auki er til sölu byggingarréttur fyrir 3.900 fermetra atvinnuhúsnæði á 5.600 fermetra lóð að Krókhálsi 7 a. Sú lóð er boðin á föstu verði.
Sjá nánar hér