Breska fjarskiptafyrirtækið Vodafone tapaði 7,6 milljörðum evra, sem svarar til 1.046 milljarða króna, á síðasta rekstrarári. Rekstrarárið á undan nam hagnaður félagsins 2,8 milljörðum evra.
Í tilkynningu frá þessu stærsta fjarskiptafyrirtæki Evrópu kemur fram að hluti skýringarinnar á tapi félagsins sé tap af sölu eigna á Indlandi. Jafnframt þurfti að afskrifa 3,5 milljarða evra vegna starfsemi Vodafone á Indlandi, Spáni og Rúmeníu.