Valitor áfrýjar Wikileaks-máli
Setja bókamerki
Valitor áfrýjaði nú í vikunni máli fyrirtækisins gegn Sunshine Press Productions (SSP) og Datacell til Landsréttar. Héraðsdómur Reykjavíkur dæmdi Valitor til að greiða SSP og Datacell samtals 1,2 milljarða króna í bætur fyrir að hafa lokað greiðslugátt fyrirtækja fyrir Wikileaks í 617 daga.
Mbl.is greindi frá því í lok síðasta mánaðar að Valitor myndi líklega áfrýja úrskurðinum.
„Við mat á fjárhæð tjóns stefnenda lítur dómurinn til þess hve lengi lokun stefnda varði, 671 dag, og til þess hve mikill fjöldi greiðslna barst í gegnum greiðslugátt stefnda þann stutta tíma sem hún var opin og hve háar fjárhæðirnar voru að meðaltali,“ sagði í dómi héraðsdóms.
Áður hafði komið fram að forráðamenn fyrirtækjanna sem fóru með sigur af hólmi í málinu fyrir héraðsdómi, væru að íhuga að áfrýja niðurstöðunni, þar sem 1,2 milljarðar króna væru ekki fullnægjandi bætur fyrir það tjón sem Valitor hefði valdið.
Segjast hafa skotið niður langdræga sprengjuvél
Nauðgaði kærustu sinni og tók það upp
Unnu að fullum heillindum að kaupum á TM
Myndskeið: Segjast hafa skotið niður sprengjuflugvél
Mikilvægt að vera á tánum
Spursmál: Fyrsta stóra viðtal Katrínar