Stella Artois hækkar um 59%

Verð á Stella Artois bjór í 33 cl flöskum hækkaði um rúmlega 59% nú um síðustu mánaðamót í Vínbúðunum, en flöskurnar kostuðu 219 krónur síðustu þrjá mánuðina þar á undan. Kosta flöskurnar núna 349 krónur.

Eins og sagði í frétt í Morgunblaðinu og mbl.is fyrr á árinu lækkaði verð vörunnar skyndilega um tæplega 40% 1. mars sl. Í kjölfarið fór bjórinn að rokseljast í Vínbúðunum, með þeim afleiðingum að flytja þurfti tugi gáma til landsins til að anna eftirspurn.

Frétt af mbl.is

Costco efnir til verðstríðs á bjórmarkaði

Verðlækkunin kom til vegna svokallaðs verðboðs, þegar heildverslunin Costco gerði tilraun til að fá umboð fyrir sölu á vörunni í Vínbúðunum. Fór svo að Vínnes bauð lægra, en samkvæmt reglum ÁTVR varð að festa tilboðsverðið í þrjá mánuði. Nú eru þeir þrír mánuðir liðnir, og varan því aftur orðin nær jafn dýr og áður og ekki verður efnt að nýju til verðboðs fyrr en 12 mánuðum frá hinu síðasta.

Sjá fréttina í heild sinni í ViðskiptaMogganum í dag.