Vísitala neysluverðs, miðuð við verðlag í júní 2019, er 469,8 stig og hækkar um 0,38% frá fyrri mánuði. Verðbólga mælist því 3,3%, samanborið við 3,6% í síðasta mánuði.
Verð á flugfargjöldum til útlanda hækkaði um 6,5% frá fyrri mánuði og verð á viðhaldi og viðgerðum á húsnæði hækkaði um 2,3% milli mánaða, að því er fram kemur í tilkynningu frá Hagstofunni.
Verðbólgumarkmið Seðlabanka Íslands er 2,5% og hefur verðbólgan ekki haldist undir því síðastliðna 12 mánuði.