Árni og Hallbjörn fjárfesta í Kjarnanum

Viðskiptafélagarnir Hallbjörn Karlsson og Árni Hauksson.
Viðskiptafélagarnir Hallbjörn Karlsson og Árni Hauksson. mbl.is/Eggert Jóhannesson

Tveir nýir hluthafar hafa fjárfest í fjölmiðlafyrirtækinu Kjarnanum miðlum ehf., útgáfufélagi Kjarnans og Vísbendingar, og hvor um sig keypt 4,67% hlut. Annars vegar er um að ræða Vogabakka ehf., í eigu fjárfestanna Árna Haukssonar og Hallbjörns Karlssonar og hins vegar þau Úlf Erlingsson og Charlottu Maríu Hauksdóttur. Greint er frá nýjum hluthöfum á vef miðilsins.

Árni og Hallbjörn hafa verið viðskiptafélagar um langt skeið, en þeir áttu meðal annars Húsasmiðjuna fyrir um 15 árum. Þá áttu þeir stóran hlut í Högum sem þeir seldu árið 2014 og innleystu um 2,3 milljarða hagnað eftir að hafa keypt í félaginu árið 2011.

Þá átti Vogabakki hlut í Morgundegi, útgáfufélagi Fréttatímans, á tímabili, en seldi það áður en Fréttatíminn fór í þrot.

Úlfar er aðstoðarprófessor við tölvunarfræðideild HR og hefur meðal annars starfað hjá Microsoft. Charlotta er ljósmyndari og listakona og lauk meistaragráðu í listum frá San Francisco Art Institute árið 2004.

Eftir kaupin eru hluthafar Kjarnans eftirfarandi:

  • HG80 ehf. í eigu Hjálm­ars Gísla­son­ar 17,68%
  • Mið­eind ehf. í eigu Vil­hjálms Þor­steins­sonar 17,21%
  • Birna Anna Björns­dótt­ir 11,80%
  • Magnús Hall­dórs­son 11,32%
  • Þórður Snær Júl­í­us­son 10,01%
  • Hjalti Harð­ar­son 7,59%
  • Fagri­skógur ehf. í eigu Stef­áns Hrafn­kels­son­ar 4,67%
  • Milo ehf. í eigu Gumma Haf­steins­sonar og Eddu Haf­steins­dótt­ur 4,67 %
  • Voga­bakki ehf. í eigu Árna Hauks­sonar og Hall­björns Karls­sonar 4,67%
  • Charlotta María Hauks­dóttir og Úlfar Erlings­son 4,67%
  • Birgir Þór Harð­ar­son 2,37%
  • Jónas Reynir Gunn­ars­son 2,37%
  • Fanney Birna Jóns­dótt­ir 0,93%
mbl.is

Bloggað um fréttina

Myntbreyta

  ISK
  USD
  EUR
  GBP
  CAD
  DKK
  NOK
  SEK
  CHF
  JPY

Erlendar viðskiptafréttir