Mandi opnar nýtt útibú í dag

Skyndibitastaðurinn Mandi opnar í dag klukkan 17 nýtt útibú í Skeifunni. Þetta kemur fram á Facebook síðu staðarins, en undirbúningur vegna opnunarinnar hefur staðið yfir síðustu vikur. Ráðgert er að fjöldi fólks muni leggja leið sína í Skeifuna í dag, en opnunarinnar hefur verið beðið með nokkurri eftirvæntingu. 

Frétt af mbl.is

Einn vinsælasti staður landsins opnar nýtt útibú

Mandi, sem er rekið af Sýrlendingum, hefur notið mikilla vinsælda meðal Íslendinga og hefur fram til þessa einungis verið á einum stað, við Ingólfstorg í Reykjavík. Á staðnum er seldur mið-austurlenskur matur á borð við shawarma-vefjur, kebab og hummus. 

Í rýminu, sem nú mun hýsa Mandi, var áður rekið útibú Hlöllabáta. Hlöllabátar kvöddu hins vegar Skeifuna 28. apríl sl. og færðu sig yfir til Mosfellsbæjar.  

Nýi staðurinn í Skeifunni.

• Blogga um frétt