Tómas Már lætur af störfum hjá Alcoa

Tómas Már Sigurðsson, aðstoðarforstjóri Alcoa, hefur sagt starfi sínu lausu og mun hverfa frá félaginu í árslok. Þetta hefur verið tilkynnt til Kauphallarinnar í New York.

Tómas Már hefur frá árinu 2004 komið að uppbyggingarverkefnum og endurskipulagningu á vettvangi fyrirtækisins hér heima og erlendis. Undir árslok í fyrra tók hann við starfi aðstoðarforstjóra en hjá fyrirtækinu starfa í dag um 16 þúsund manns í öllum heimsálfum.

Í samtali í Morgunblaðinu í dag segir Tómas Már að framhaldið sé sem stendur óráðið.