Ætti að banna 10 evra flugferðir

Carsten Spohr, forstjóri Lufthansa.
Carsten Spohr, forstjóri Lufthansa. AFP

Carsten Spohr, forstjóri þýska flugfélagsins Lufthansa, segir að banna ætti flugfélögum að selja farmiða á undir 10 evrur, um 1.400 krónur. Óábyrgt sé að selja slíka miða út frá efnahags-, umhverfis- og stjórnmálasjónarmiðum. Bloomberg greinir frá.

Spohr segir að tvö stærstu lággjaldaflugfélög Evrópu tapi stórfé á að bjóða miða undir kostnaðarverði í viðleitni sinni til að koma sér betur inn á Þýskalandsmarkað, heimavöll Lufthansa. Lufthansa lækkaði í síðasta mánuði afkomuspá sína fyrir árið og vísaði til lækkandi farmiðaverðs sem ástæðu, en hún stafaði af aukinni samkeppni lággjaldaflugfélaga í evrópu, einkum í Þýskalandi og Austurríki.

Ryanair er eitt þeirra flugfélaga sem stundum býður flugmiða frá Berlín til annarra borga Evrópu fyrir innan við tíu evrur, þótt verðið sé jafnan nokkru hærra.

mbl.is

Myntbreyta

  ISK
  USD
  EUR
  GBP
  CAD
  DKK
  NOK
  SEK
  CHF
  JPY

Erlendar viðskiptafréttir