Forsvarsmenn Air Atlanta og Bluebird hafa að undanförnu kannað möguleikann á því að kaupa flugrekstrareignir út úr þrotabúi WOW air.

Þær fyrirætlanir runnu út í sandinn þegar tilkynnt var um kaup Michele Ballarin á eignunum en þegar ljóst var að þeim samningum hefði verið rift, komu forsvarsmenn flugfélaganna aftur að borðinu, að því er fram kemur í umfjöllun um málefni þrotabúsins í ViðskiptaMogganum í dag.

Í hópi helstu forsvarsmanna Air Atlanta og Bluebird eru reynslumiklir menn á sviði flugrekstrar sem margir hverjir búa yfir áratugareynslu af rekstri farþegaflugs, einkum á vettvangi Icelandair. Í nóvember í fyrra var Sigurður Magnús Sigurðsson, þáverandi framkvæmdastjóri flugrekstrarsviðs WOW air, ráðinn framkvæmdastjóri rekstrarsviðs Air Atlanta. Því er ljóst að mikil þekking á starfsemi WOW air er til staðar hjá mögulegum kaupendum.

Tengdar fréttir

Sviptivindar í flugrekstri

Ernir hyggst skila inn flugrekstrarleyfi

• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu
• Hvað tekur við eftir „afsláttarárin“?

» Fleiri tengdar fréttir