Enginn tími til þess að slaka á

Íslenska leikjafyrirtækið Porcelaine Fortress gaf út leikinn „No time to Relax“ hinn 21. ágúst fyrir PC- og Mac tölvur. „Það hefur gengið ágætlega frá útgáfu og við fengum smá stökk [í sölu] þegar hann fór á Steam (söluveita tölvuleikja),“ segir Björn E. Jónsson, stofnandi fyrirtækisins. Hann segir að alls hafi verið seld yfir 10 þúsund eintök af leiknum og að mikill áhugi sé á honum í Kína. Jafnframt eru margir notendur með leikinn á Steam-óskalistanum og „bíða líklega eftir jólaútsölunni.“

Björn segir mikla kosti fylgja því að geta sett leiki í sölu í gegnum söluveitur á netinu eins og Steam. „Það besta við Steam er að það eru svo margir sem eiga aðgang og það er auðvelt að gefa út þar. Við erum líka komnir á HumbleBundle sem selur Steam-lykla. Það er allt PC og Mac.“

Sjá fréttina í heild sinni í ViðskiptaMogganum í dag.