Mesta atvinnuleysi í ágústmánuði í sex ár

Alls fóru 1.077 einstaklingar af atvinnuleysisskrá í ágústmánuði.
Alls fóru 1.077 einstaklingar af atvinnuleysisskrá í ágústmánuði. mbl.is/Árni Sæberg

Skráð atvinnuleysi á landinu mældist 3,5% í ágúst og breyttist nær ekkert frá mánuðinum á undan samkvæmt nýju vinnumarkaðsyfirliti Vinnumálastofnunar (VMST).

Fjöldi atvinnulausra í sumar er í samræmi við spár um vöxt atvinnuleysis á árinu en alls voru 2.489 fleiri einstaklingar skráðir atvinnulausir í seinasta mánuði en í ágústmánuði fyrir ári. Þarf að leita allt aftur til ársins 2013 til að finna hærra hlutfall atvinnulausra í ágústmánuði en þá var 4% atvinnuleysi á landinu. Fyrir tveimur árum var atvinnuleysið í ágúst komið niður í 1,9% yfir landið til samanburðar.

Erlendum ríkisborgurum hefur fjölgað hratt á vinnumarkaðinum og kemur atvinnuleysið sérstaklega þungt niður á þeim. Fram kemur í skýrslu Vinnumálastofnunar að alls voru 2.605 erlendir ríkisborgarar án atvinnu í lok ágúst eða um 36% allra atvinnulausra. ,,Þessi fjöldi samsvarar um 7,4% atvinnuleysi meðal erlendra ríkisborgara. Þetta er talsverð aukning frá því í ágúst 2018 þegar hlutfall atvinnulausra erlendra ríkisborgara var um 33% allra atvinnulausra eða sem svarar um 4,9% atvinnuleysi,“ segir í greinargerð VMST.

Hafa aldrei verið fleiri erlendir ríkisborgarar skráðir á atvinnuleysisskrá í einum mánuði en í seinasta mánuði að því er lesa má út úr atvinnuleysistölum, sem um er fjallað í fréttaskýringu í Morgunblaðinu í dag.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK