450 þúsund bílaeigendur í mál við Volkswagen

Málaferlin hófust formlega í morgun þegar fyrstu yfirheyrslur fóru fram ...
Málaferlin hófust formlega í morgun þegar fyrstu yfirheyrslur fóru fram í Braunschweig í Neðra-Saxlandi, aðeins um þrjátíu kílómetra frá höfuðstöðvum Volkswagen í Wolfsburg. AFP

Fyrsta hópmálsóknin í Þýskalandi hefur litið dagsins ljós þar sem 450.000 eigendur Volkswagen-dísilbíla hafa höfðað mál á hendur Volkswagen. Eigendurnir, sem eru langflestir þýskir, krefjast bóta vegna hugbúnaðar sem fyrirtækið notaði til að svindla á mæl­ing­um á út­blæstri VW-bif­reiða. 

Hneykslið hefur nú þegar kostað Volkswagen um 30 milljarða evra, eða sem nemur rúmum fjórum billjónum króna, sökum bóta, sekta og málskostnaðar. Þá hafa þrír stjórn­end­ur hjá Volkswagen, tveir nú­ver­andi og einn fyrr­ver­andi, verið ákærðir fyr­ir markaðsmis­notk­un í tengsl­um við út­blást­urs­s­vindl fyr­ir­tæk­is­ins. 

Útblást­urs­hneykslið leit dags­ins ljós í sept­em­ber 2015 þegar for­svars­menn fyr­ir­tæk­is­ins viður­kenndu að búið væri að setja sér­stak­an hug­búnað í rúm­lega 600.000 bif­reiðar, sem voru seld­ar í Banda­ríkj­un­um, sem gerðu þeim kleift að falsa niður­stöður í út­blást­urs­próf­ana. Það kom svo í ljós að þenn­an búnað var að finna í millj­ón­um bif­reiða víða um heim, en búnaðinum var komið fyr­ir á milli ár­anna 2009 og 2015. 

Málsóknin á sér engin fordæmi í Þýskalandi en bandalag neytendasamtaka í Þýskalandi (VZBV) standa að henni. 

Málaferlin hófust formlega í morgun þegar fyrstu yfirheyrslur fóru fram í Braunschweig í Neðra-Saxlandi, aðeins um þrjátíu kílómetra frá höfuðstöðvum Volkswagen í Wolfsburg. Búist er við að málaferlin taki nokkur ár.

Frétt BBC

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK