Leggja til breytingu á nafni Tryggingamiðstöðvarinnar

Nafnið TM hefur meðal annars verið notað í merki Tryggingamiðstöðvarinnar ...
Nafnið TM hefur meðal annars verið notað í merki Tryggingamiðstöðvarinnar og í vefslóð félagsins.

Hluthafafundur Tryggingamiðstöðvarinnar mun í næsta mánuði ákveða hvort tillaga stjórnar félagsins um nafnabreytingu verður samþykkt. Lagt er til að nafni félagsins verði breytt úr Tryggingamiðstöðinni í TM, en félagið hefur lengi notað þá skammstöfun, meðal annars í merki sínu og vefslóð.

Á hluthafafundinum verður auk þess rætt um ákvörðun stjórnarinnar um að kaupa allt hlutafé í lánafyrirtækinu Lykli fjármögnun, líkt og greint var frá í síðustu viku. Samhliða því að greidd verða atkvæði um kaupin er lagt til að samþykktum félagsins verði breytt á þann veg að fjárfestingastarfsemi sé bætt við þá grein sem tilgreinir tilgang félagsins.

Til að fjármagna kaupin á Lykli er einnig óskað eftir heimild til að hækka hlutfé félagsins um allt að 125 milljónir hluta með útgáfu nýrra hluta.

Í skriflegu svari við fyrirspurn mbl.is vegna nafnabreytingarinnar segir að hún haldist í hendur við breytt hlutverk félagsins. „Nafnabreytingin er tilkomin vegna breytingar á uppbyggingu félagsins. Skráða félagið verður eignarhaldsfélag sem á vátryggingafélög og fjármögnunarfélag og við metum það svo að vegna ákvæða 1. mgr. 11. gr. laga um vátryggingastarfsemi megi heiti félagsins ekki vísa til tryggingastarfsemi.“

Sigurður Viðarson forstjóri TM.
Sigurður Viðarson forstjóri TM. mbl.is/​Hari
mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK