Engar breytingar á rekstri Domino's á Íslandi

Ekki stendur til að gera breytingar á rekstri Domino's á Íslandi þrátt fyrir að Domino's Pizza Group í Bretlandi ætli að selja rekstur pítsustaðanna.

Þetta segir Birgir Örn Birgisson, forstjóri Domino's á Íslandi, í samtali við mbl.is. Hann segist hafa fengið fregnir af fyrirætlunum Breta í gærkvöldi.

Frétt af mbl.is

Bretar selja Domino's á Íslandi

Domino's Pizza Group hefur ákveðið að hætta starfsemi utan Bretlands og Írlands og kennir um erfiðum rekstri, sérstaklega í Noregi, en auk þess rekur félagið pítsastaði Domino's á Íslandi og í Svíþjóð og á minnihluta í rekstri Domino's í Þýskalandi.

Birgir Örn útilokar ekki að kaupa í félaginu að nýju. mbl.is/Valli

Rekstur Domino's á Íslandi gengur vel og nam vörusala Domino's á Íslandi tæplega 5,8 milljörðum árið 2018 og var hagnaður rekstrarfélagsins Pizza-Pizza ehf. 455 milljónum króna. 

Leita nýs húsnæðis í grennd við Höfða

Útibúi Domino's á Höfðabakka var lokað í ágúst en segir Birgir Örn það eiga sér eðlilegar skýringar. Nýr eigandi húsnæðisins hafi þurft að nota það sjálfur. Leit stendur yfir að nýju húsnæði fyrir útibú Domino's í hverfinu.

Frétt af mbl.is

Steinar og Birgir áfram stjórnendur

Domino's Pizza Group hefur verið stærsti eigandi Pizza-Pizza frá 2016 og aðeins eru liðnar nokkrar vikur frá því að Birgir Örn og Steinar Bragi Sigurðsson, fram­kvæmda­stjóri inn­kaupa og fram­leiðslu hjá Dom­in­o’s á Íslandi, seldu sinn hlut og Bretarnir eignuðust allt félagið.

Birgir Örn útilokar ekki að hann kaupi hlut í félaginu að nýju. „Ég var bara að frétta af þessu í gærkvöldi. Það eina sem ég get sagt er að þetta er gott félag en maður verður aðeins að sjá hvernig spilast úr hlutunum.“

• Blogga um frétt