Pósturinn einfaldar netverslunum leikinn

Elvar Bjarki Helgason forstöðumaður söludeildar Póstsins (t.h.) og Hjörvar Hermannsson, ...
Elvar Bjarki Helgason forstöðumaður söludeildar Póstsins (t.h.) og Hjörvar Hermannsson, framkvæmdastjóri Smartmedia (t.v.). Ljósmynd/Pósturinn

Vefþjónusta Póstsins er nú beintengd við netverslunarkerfi hugbúnaðarfyrirtækisins Smartmedia.  

Í fréttatilkynningu frá Póstinum kemur fram að tengingin muni einfalda viðskiptavinum Smartmedia ferlið við að koma vörum áfram til viðskiptavina sinna.

„Smartmedia var stofnað árið 2008 og byggir starfsemi sína á að þróa einfaldar, sveigjanlegar og árangursríkar hugbúnaðarlausnir. Netverslunarkerfi fyrirtækisins hefur verið í mikilli þróun undanfarin ár og í dag eru 140 íslensk fyrirtæki sem keyra netverslun sína á kerfi Smartmedia“, segir í tilkynningunni. 

Pósturinn hefur undanfarið beint sjónum sínum að þróun á lausnum fyrir netverslanir.

„Möguleiki fyrirtækja til að tengjast beint við skráningarkerfi Póstsins er mjög góð viðbót sem gerir það að verkum að allar upplýsingar skila sér strax inn í kerfi Póstsins. Þannig auðveldar þetta netverslunum að halda utan um allar sendingar sem þær senda viðskiptavinum sínum á einum stað“, segir í tilkynningunni.

„Við erum mjög ánægð með að fara í þetta samstarf með Póstinum. Með því að bæta við þessum valmöguleika fyrir okkar viðskiptavini erum við að auðvelda þeim mjög sendingarhlutann í ferlinu. Við hjá Smartmedia erum stórir á íslenskum netverslunarmarkaði og viljum bjóða uppá frammúrskarandi þjónustu við okkar viðskiptavini og þetta samstarf okkar við Póstinn styður undir það,“ er haft eftir Hjörvari Hermannssyni, framkvæmdastjóra Smartmedia.

„Það er mjög gaman að fá að taka þátt í þessu verkefni með Smartmedia. Netverslunarkerfið þeirra er gríðarlega einfalt og þægilegt í notkun en þessi viðbót gerir það að verkum að viðskiptavinir Smartmedia geta nú með einföldum hætti skráð sendingar inn í kerfi Póstsins á einum stað,“ er haft eftir Elvari Bjarka Helgasyni, forstöðumanni söludeildar Póstsins, í sömu tilkynningu.

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK