Krónan veitir styrki upp á 7 milljónir

„Samfélagsstyrkir Krónunnar eru veittir ár hvert til þeirra sem hafa jákvæð áhrif á uppbyggingu í nærsamfélögum Krónunnar og/eða hvetja til hollustu og hreyfingu barna. Í ár bárust 220 umsóknir og var heildarupphæð styrkjanna í ár sjö milljónir króna,“ segir í fréttatilkynningu frá Krónunni. 

Ráðstefna grænkera, Krónumót HK í fótbolta og Aldingarður æskunnar eru á meðal þeirra verkefna sem hlutu styrki í ár. 

Fyrra Krónumót HK í fótbolta fer fram í Kórnum um helgina og munu um þrjú þúsund börn taka þátt.

Hjördís Elsa Ásgeirsdóttir, markaðsstjóri Krónunnar. Ljósmynd/Birgir Ísleifur Gunnarsson

„Við erum alltaf jafn ánægð að sjá hversu margir eru að vinna að metnaðarfullum verkefnum í því skyni að bæta líf og heilsu barna, sem og þau sem eru að vinna að annarri jávæðri uppbyggingu í samfélaginu. Mörg þeirra verkefna sem við styrkjum í ár eru unnin í sjálfboðavinnu og það er ekki síst þess vegna sem við hjá Krónunni viljum leggja okkar [lóð] á vogarskálarnar við að halda þessum góðu verkefnum gangandi“, er haft eftir Hjördísi Elsu Ásgeirsdóttur, markaðsstjóra Krónunnar, í fréttatilkynningu. 

Opið verður fyrir styrktarumsóknir fyrir næsta styrktarár á heimasíðu Krónunnar frá apríl til ágúst 2020.

Verkefnin sem fengu styrk í ár voru:

• FRAM í Reykjavík fyrir knattspyrnudeild barna
• Stjarnan í Garðabæ fyrir handknattleiksdeild barna
• HK í Kópavogi fyrir Krónumót yngri flokka karla og kvenna í knattspyrnu
• Sundfélag Hafnarfjarðar fyrir Krónumótið — sundmót barna
• Haukar í Hafnarfirði fyrir Special Olympics-æfingar körfuknattleiksdeildar Hauka
• Karatedeild Aftureldingar í Mosfellsbæ fyrir barnastarfið
• Blakdeild Aftureldingar í Mosfellsbæ fyrir úthlutun gefins endurskinsmerkja til grunnskóla nemenda í bænum
• Víkingur í Reykjavík fyrir barna- og unglingastarf
• ÍBV í Vestmannaeyjum fyrir barnastarfið 
• Crossfit Eyjar fyrir Skólacrossfit
• Fimleikadeild Heklu á Hellu fyrir nýjum áhöldum 
• Fimleikadeild Hamars Hveragerði fyrir fræðsludegi þjálfara og foreldra iðkenda deildarinnar um svefn og næringu barna og unglinga
• Hjálparstarf Kirkjunnar fyrir styrktarsjóð vegna tómstundaiðkunar barna og unglinga
• Ungmennafélagið Þjótandi á Selfossi fyrir frisbígolfvelli.
• Skátafélag Akraness fyrir ævintýragarð sem verður notaður í uppbyggjandi skemmtun og fróðleik, í útivist og ýmsa hreyfingu
• Heilsuleikskólinn Skógarás í Keflavík fyrir klifurvegg fyrir krakkana
• Suðurnesjadeild Garðyrkjufélags Íslands í Keflavík fyrir Aldingarð æskunnar til plöntukaupa
• Kjötsúpuhátíðin á Hvolsvelli fyrir aðfangakostnaði á hátíðinni
• Námsaðstoð Rauða krossins upp í aðstoð barna við lestur og nám á skólabókasöfnum
• Skíðaskóli Jennýjar á Reyðarfirði fyrir Stubbaskólanum, skíðaskóla fyrir börn. 
• Björgunarsveitin Kyndill á Klaustri fyrir breytingu á bíl
• Björgunarsveitin Dagrenning á Hvolsvelli fyrir unglingastarfið
• Støð í Stöð (Stöðvarfirði) fyrir aðfangakostnaði á bæjarhátíðinni
• Regnboginn lista- og menningarhátíð í Vík fyrir mat í menningarveislu hátíðarinnar
• Vegan heilsa í Reykjavík fyrir ráðstefnukostnaði 
• Landvernd fyrir fræðslumyndbandi
• Hjólreiðafélagið Tindur fyrir krúttlegasta hjólamót landsins

• Blogga um frétt