Sýnir að Sýn er að ná tökum á rekstrinum

Tekj­ur Sýn­ar hf. námu á þriðja árs­fjórðungi 4,8 milljörðum króna sem er 5,2% lækkun frá sama tímabili í fyrra. Tekjur fyrstu níu mánuði ársins voru 14,9 milljarðar króna, 454 milljónum króna lægri en á sama tímabili í fyrra.

Þetta kemur fram í árshlutareikningi Sýnar sem var birtur í dag.

Frétt af mbl.is

Segir farir Sýnar ekki sléttar

Alls tapaði Sýn 71 milljón króna á þriðja ársfjórðungi en félagið tapaði 215 milljónum króna á öðrum ársfjórðungi. Hagnaður á fyrstu 9 mánuðum ársins nam 384 m.kr. sem er 135 m.kr. hækkun frá sama tímabili 2018.

Haft er eft­ir Heiðari Guðjóns­syni, for­stjóra Sýn­ar hf., að af­koma síðasta árs­fjórðungs sýni að félagið sé að ná tökum á rekstrinum, sem sýni sig best í betri stöðu en í öðrum ársfjórðungi. Aðgerðir eins og fækkun stöðugilda muni koma fram í rekstri í lok árs og á nýju ári.

Frétt af mbl.is

Skoða sæstreng milli Íslands, Noregs og Írlands

„Celtic Norse er nýtt verkefni um lagningu sæstrengs sem við kynntum í London ásamt samstarfsaðilum í síðustu viku. Það sem hefur hamlað uppbyggingu gagnavera á Íslandi er hár kostnaður sæstrengja sem hingað liggja. Þetta verkefni getur lagað þá stöðu umtalsvert,“ er enn fremur haft eftir Heiðari.

• Blogga um frétt