Fjórum millistjórnendum sagt upp hjá Bláa lóninu

Fjórum millistjórnendum „á mismunandi stigum“ var sagt upp hjá Bláa lóninu í dag, vegna „áherslubreytinga“ sem kynntar hafa verið innan fyrirtækisins. Þetta staðfestir Helga Árnadóttir, framkvæmdastjóri vöruþróunar-, sölu- og markaðssviðs Bláa lónsins við mbl.is.

Ekki fékkst uppgefið hvaða störfum þeir sinntu hjá fyrirtækinu. Helga segir að áherslubreytingarnar hafi verið gerðar „með það að markmiði að bæta enn skilvirkni og samlegðaráhrif innan fyrirtækisins.“

„Í þessu sambandi létu 4 starfsmenn af störfum en í fyrirtækinu starfa rúmlega 800 manns,“ segir í skriflegu svari Helgu við fyrirspurn mbl.is.

• Blogga um frétt