Kínverjar banna netsölu rafrettna

Kínverjar hafa nú bannað netsölu rafsígarettna.
Kínverjar hafa nú bannað netsölu rafsígarettna.

Lög sem banna auglýsingar og netsölu rafsígarettna tóku gildi í Kína í síðustu viku. Eru lögin sett að fyrirskipan stjórnvalda, sem hafa miklar áhyggjur af aukinni nikótínfíkn þar í landi. Í tilkynningu sem kínversk stjórnvöld sendu frá sér kemur fram að hvorki sé hvorki leyfilegt að selja né auglýsa rafsígarettur.

Stærstu netsölur landsins, þar á meðal Alibaba Group, hafa brugðist við yfirlýsingunni og sagst munu fylgja fyrirmælum yfirvalda. Mikill vöxtur hefur verið í sölu rafsígarettna í Kína, en það má m.a. rekja til greiðara aðgengis að slíkum vörum á netinu.

Stjórnvöld í Kína hafa áður gripið til aðgerða sem miða að því að draga úr notkun framangreindra neysluvara, en í ágúst fyrr á þessu ári var aldurstakmark þeirra sem keypt geta rafrettur hækkað í 18 ár. Talið er að með aðgerðunum vilji stjórnvöld tryggja að markmið um fækkun reykingamanna úr 26% í 20% verði að veruleika fyrir árið 2030. Alls notast um 10 milljónir Kínverja við rafrettur.

mbl.is
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK