Einn nýr áfangastaður í Evrópu

Á næsta ári gerir félagið ráð fyrir að tíðni á …
Á næsta ári gerir félagið ráð fyrir að tíðni á flugi til Evrópu muni aukast um 2%.

Flugáætlun Icelandair fyrir árið 2020 liggur nú fyrir með flugi til 40 áfangstaða. Áætlað er að einn nýr áfangastaður í Evrópu verði kynntur á næstu vikum.

Þetta kemur fram í tilkynningu frá Icelandair. Þar segir að heildarframboð sæta verði 5,1 milljón og gerir félagið ráð fyrir að flytja 4,2 milljónir farþega á árinu. Þar segir jafnframt að á þessu ári hafi félagið flutt fleiri farþega til Íslands en nokkurn tíma áður, eða yfir 1,6 milljónir farþega á fyrstu 10 mánuðum ársins og að megináhersla verði áfram lögð á fjölgun farþega á mörkuðunum til og frá Íslandi.

Á næsta ári gerir félagið ráð fyrir að tíðni á flugi til Evrópu muni aukast um 2% á milli ára. Tíðni verður aukin til Kaupmannahafnar, Helsinki, Berlínar, Zurich, Madrid og Mílanó. Á móti verður dregið úr tíðni á nokkra áfangastaði í Evrópu, svo sem París, Frankfurt og Hamborg.

Sætaframboð til Norður-Ameríku dregst saman um 11% frá árinu 2019 sem skýrist aðallega af fækkun áfangastaða en eins og fram hefur komið mun Icelandair hætta flugi til San Francisco, Kansas City og Tampa. Þá mun félagið draga úr tíðni á ákveðna áfangastaði í Norður-Ameríku til að bregðast við markaðsaðstæðum. 

Heildarsætaframboð félagsins dregst því saman um 4,8% miðað við 2019 en áherslubreytingar í leiðakerfi félagsins sem og áherslur í sölu- og markaðsstarfi munu stuðla að áframhaldandi fjölgun ferðamanna til Íslands. 

Icelandair gerir ráð fyrir að Boeing 737 MAX-vélar verði komnar í rekstur í mars 2020.

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK