Ölgerðin hefur lagt fram umsókn til Reykjavíkurborgar um heimild til viðbyggingar við höfuðstöðvarnar í Grjóthálsi í Reykjavík.
Í breytingunni felst að hámarkshæð viðbyggingar hækkar úr 11 metrum í 15 metra.
Umsóknin nær til suðurhluta lóðarinnar á Grjóthálsi 9.
Skriður hefur verið á rekstri Ölgerðarinnar.
Velta félagsins var 25 milljarðar í fyrra og hagnaður um 400 milljónir.
Hluthafar Ölgerðarinnar voru 28 í árslok 2018 og var OA eignarhaldsfélag stærsti hluthafinn með 26,1% eignarhlut. Horn III slhf. var með 25,1% eignarhlut og Akur fjárfestingar slhf. með 18,2%.
Hér má nálgast upplýsingar um umsóknina hjá skipulagsfulltrúa.