Kynslóðaskipti hjá Eignamiðlun

Þeir Kjartan Hallgeirsson og Guðlaugur Ingi Guðlaugsson hafa fest kaup á öllu hlutafé í fasteignasölunni Eignamiðlun af þeim Sverri Kristinssyni og Guðmundi Sigurjónssyni. Um kynslóðaskipti er að ræða að sögn Kjartans, framkvæmdastjóra fyrirtækisins.

Þeir Sverrir og Guðmundur, sem áður fóru með helmingshlut í fyrirtækinu, koma til með að starfa áfram hjá Eignamiðlun, sem er elsta starfandi fasteignasala á Íslandi og var stofnuð árið 1957.

„Ég hef starfað hjá Eignamiðlun í 20 ár og verið eigandi í 12 ár og er þar af leiðandi ekki að koma nýr inn í hópinn. Guðlaugur hefur verið meðeigandi í fjögur ár og starfað hér lengur þannig að það er svo sem eðlilegt skref að menn kaupi fyrirtækið og horfi til framtíðar. En við munum áfram njóta reynslu þeirra Sverris og Guðmundar, “ segir Kjartan.

Fréttina má lesa í heild sinni í ViðskiptaMogganum í dag.