Nikkei rýkur upp

Nikkei-hlutabréfavísitalan hækkaði um 2,5% í kauphöllinni í Tókýó í morgun í kjölfar stórsigurs Íhaldsflokksins í Bretlandi og auknar væntingar um viðskiptasamkomulag milli Bandaríkjanna og Kína.

Vísitalan var 24.023,10 stig við lokun og er það hæsta gildi hennar síðan í október í fyrra. Segja sérfræðingar á fjármálamörkuðum að markaðurinn sé að bregðast við tvennum jákvæðum fréttum. Mögulegu samkomulagi milli stórveldanna tveggja og að óvissunni um Brexit sé að ljúka. 

• Blogga um frétt